Zanga-zangar goyon bayan Odinga

Yan sanda a kasar Kenya sun yi amfani da hayaki mai saka kwalla wajen tarwatsa dandazon magoya bayan madugun adawan kasar Raila Odinga, jami'an tsaro dai sun tilasta wa Mista Odinga barin harabar wani Otel da ke Nairobi babban birnin kasar, in da ya shirya wata gana wa da manema labarai, kan abin da ya kira kwace nasarar da ya yi a zaben kasar na watan Agustan bara, da hukumar zabe ta sanar da William Ruto a matsayin wanda ya yi nasara.

Rahotanni daga kasar da ta sha fama da rikicin bayan zabe, sun nunar da cewa, an yi arangama a tsakanin masu zanga-zangar goyon bayan Odinga a wani yanki da ake da dimbin magoya bayan madugun adawan da jami'an 'yan sanda.